អាឡាស្កា៖ ឧទ្ធម្ភាគចក្រពីរគ្រឿងរបស់កងទ័ពអាមេរិក បានបុកគ្នា និងធ្លាក់ នៅថ្ងៃនេះ ក្នុងរដ្ឋអាឡាស្កា ខណៈពេលត្រឡប់មកពីការហោះហើរហ្វឹកហាត់មួយ ដោយបានសម្លាប់ទាហានអស់បីនាក់ និងម្នាក់ទៀតបានរងរបួស។
កងទ័ពសហរដ្ឋអាមេរិក បាននិយាយនៅក្នុងសេចក្តីថ្លែងការណ៍មួយថា ទាហានពីរនាក់បានស្លាប់ភ្លាមៗនៅកន្លែងកើតហេតុធ្លាក់ឧទ្ធម្ភាគចក្រ ស្ថិតនៅជិតទីក្រុងមួយ ក្នុងរដ្ឋអាឡាស្កា និងម្នាក់ទៀតបានស្លាប់នៅតាមផ្លូវបញ្ជូនទៅកាន់មន្ទីរពេទ្យ។ ចំណែកទាហានម្នាក់ទៀត កំពុងសម្រាកព្យាបាលព្យាបាលរបសួនៅមន្ទីរពេទ្យ។
កងទ័ពបាននិយាយទៀតថា ឈ្មោះទាហានស្លាប់ត្រូវបានរក្សាជាសម្ងាត់រហូតដល់សាច់ញាតិ អាចទទួលបានការជូនដំណឹងពីអង្គភាពកងទ័ព។
អ្នកនាំពាក្យរបស់កងទ័ពអាមេរិក នៅក្នុងរដ្ឋអាឡាស្កា បាននិយាយនៅថ្ងៃទី២៨ ខែមេសា ឆ្នាំ២០២៣ថា មុនពេលធ្លាក់ ឧទ្ធម្ភាគចក្រប្រភេទ អាប៉ាចេ (AH-64 Apache)នីមួយៗ បានដឹកមនុស្សពីរនាក់សុទ្ធតែជាទាហាន។
ឧទ្ធម្ភាគចក្រទាំងនោះ មកពីកងវរសេនាតូចទី១ កងវរសេនាធំទ័ពអាកាសចរណ៍ទី២៥ ដែលមានមូលដ្ឋាននៅជិត ទីក្រុង ហ្វៀបែង (Fairbanks) នៃរដ្ឋអាឡាស្កា សហរដ្ឋអាមេរិក។
លោកឧត្តមសេនីយ ប្រាអិន អ៊ីហ្វ្លើ (Brian Eifler) មេបញ្ជាការកងពលធំទ័ពអាកាសទី១១ បាននិយាយនៅក្នុងសេចក្តីថ្លែងការណ៍របស់កងទ័ពថា «នេះគឺជាការបាត់បង់ដ៏មិនគួរសោកស្តាយបំផុតសម្រាប់គ្រួសារទាហានទាំងនេះ រួមទាំងយុទ្ធមិត្ត និងសម្រាប់កងពលទាំងមូល។ យើងសូមចូលរួមសោកស្តាយ និងបួងសួងជាមួយក្រុមគ្រួសារសព យុទ្ធមិត្ត និងមនុស្សជាទីស្រឡាញ់របស់ពួកគេ ហើយយើងកំពុងព្យាយាមឲ្យអស់លទ្ធភាពដើម្បីជួយគាំទ្រក្រុមគ្រួសារពួកគេ។
កងទ័ពបាននិយាយទៀតថា មូលហេតុនៃការធ្លាក់យន្តហោះនេះ កំពុងស្ថិតក្រោមការស៊ើបអង្កេតនៅឡើយ ហើយព័ត៌មានលម្អិតបន្ថែមនឹងត្រូវចែកជូននៅពេលក្រោយ។
ឧបទ្ទវហេតុលើកទី២ ក្នុងឆ្នាំនេះពាក់ព័ន្ធនឹងការធ្លាក់ឧទ្ធម្ភាគចក្ររបស់យោធាអាមេរិក នៅក្នុងអាឡាស្កា សហរដ្ឋអាមេរិក។
កាលពីខែកុម្ភៈ ឆ្នាំ២០២៣នេះ ទាហានអាមេរិកពីរនាក់ បានរងរបួសនៅពេលឧទ្ធម្ភាគចក្រ អាប៉ាចេ មួយគ្រឿង បានធ្លាក់ នៅពេលទើបតែហោះចេញពីមូលដ្ឋាន
ចំណែកកាលពីខែមីនា ឆ្នាំ២០២៣ ទាហានអាមេរិកប្រាំបួននាក់ ស្លាប់នៅពេលឧទ្ធម្ភាគចក្រប្រភេទ Black Hawk ពីរគ្រឿងសម្រាប់ក្រុមវេជ្ជសាស្រ្តរបស់កងទ័ពសហរដ្ឋអាមេរិក បានធ្លាក់ក្នុងរដ្ឋ ខេនថាក់គី អំឡុងពេលធ្វើសមយុទ្ធហ្វឹកហាត់ពេលយប់៕
Tags
ព្រះមហាក្សត្រថៃ បន្ធូរបន្ថយទោសរបស់លោក ថាក់ស៉ីន ស៊ីណាវ៉ាត្រា ពីរយៈពេល ៨ឆ្នាំ មកនៅត្រឹមតែ ១ឆ្នាំ
រុស្ស៊ី បន្ទោស អ៊ុយក្រែន ចំពោះការ វាយប្រហារ ដោយ យន្តហោះ ដ្រូន ធ្វើឲ្យឆេះ ឃ្លាំង ស្តុក ប្រេងនៅ គ្រីមៀ
ឆ្មាំសមុទ្រហ្វីលីពីន ប្រឈមមុខដាក់គ្នាជាមួយឆ្មាំសមុទ្រចិន តាមជួរកោះប៉ប៉្រិបថ្ម ក្នុងសមុទ្រចិនខាងត្បូង
អ្នកការពារក្រុងបាក់មូតរបស់អ៊ុយក្រែន បារម្ភបាត់បង់ការគាំទ្រផ្នែកគ្រាប់រំសេវ ដើម្បីវាយបកលើកងទ័ពរុស្ស៊ី
ការចំណាយផ្នែកយោធានៅលើពិភពលោកឡើងដល់កម្រិតខ្ពស់បំផុតក្នុងប្រវត្តិសាស្ត្រ ដោយសារសង្គ្រាមនៅអ៊ុយក្រែន
អ្នកបើកបរយន្តហោះចម្បាំងរុស្ស៊ី ច្រឡំទម្លាក់គ្រាប់បែកលើទីក្រុងរបស់ខ្លួនឯង ដោយស្មានថា ទឹកដីអ៊ុយក្រែន
ប្រធានាធិបតីបារាំង ពឺងផ្អែកលើប្រធានាធិបតីចិន ដើម្បីនាំប្រធានាធិបតីរុស្ស៊ី មកកាន់តុចរចារកសន្តិភាព
របបដឹកនាំយោធាភូមា រំលាយចោលគណបក្សប្រឆាំងរបស់លោកស្រី អ៊ុងសាន ស៊ូជី និងកម្ទេចចោលក្រុមតស៊ូនៅតាមព្រំដែន
របបដឹកនាំយោធាភូមា រំលាយចោលគណបក្សប្រឆាំងរបស់លោកស្រី អ៊ុងសាន ស៊ូជី និងកម្ទេចចោលក្រុមតស៊ូនៅតាមព្រំដែន
មីស៊ីល និងដ្រូន របស់រុស្ស៊ីបំផ្លាញអគារលំនៅឋាន និងសម្លាប់ជនស៊ីវិលអ៊ុយក្រែន ស្ថិតនៅក្បែរទីក្រុងគៀវ
Popular & Recent News
Comment